Zer da “jabetzea"?
“Jabetze” terminoa asko erabili izan da Hego eta Ertamerikan, bere jatorria Estatu Batuetan topatu behar badugu ere. Hitza ingeleseko “empowerment” terminotik dator.
Jabetzeak gure bizitzan autonomia izatea dakar, bizitzari aurre egiteko indarra eta konfidantza izatea, bizitzan aukera ezberdinak egiteko ahalmena izatea eta gizarte eraldaketan parte hartzea.Emakume bat jabetuta dagoela esaten dugu ahalmen horiek bizi-indar bilakatzen direnean, pertsona horren izaera osatzen dutenean.
Aldaketa pertsonal eta kolektiboa dakarren prozesua litzateke, emakumeen eta gizonen arteko botere harremanen eraldaketa dakarrena. Prozesu hori gauzatzeko hainbat faktorek bat etorri behar dute: emakumeei maila pertsonalean gertatzen zaiguna ulertzea; errealitatea eta testuingurua antzematea; eskubideak ezagutzea; informazioa eta baliabideak eskura izatea; geure ahalmenak lantzea; autonomia, konzientzia eta ahalmen kritikoa izatea.
Horregatik, jabetzea prozesu pertsonala da, norberari gertatzen zaion zerbait. Inork ezin du beste inor jabetu. Hala ere, erakundeek emakumeen eta emakume taldeen jabetze prozesuak sustatu ditzakete ditzakete. Horixe da Hernaniko Jabetze Eskolak duen asmoa.
Sorrera eta ibilbidea
Jabetze Eskolak antolatzeko ideia ertamerikatik hartua da. Gure inguruan Bizkaian sortu zuten lehena 2003an, Basauri, Ondarru, Ermua eta Getxoko Udal Berdintasun Arloek sortu zuten elkarlanean. Bertan izandako harrera eta emaitzak ikusita, Gipuzkoan 2006an hainbat udalerriren artean haiek hasitako bideari jarraitzea erabaki genuen. Momentu honetan Arrasate, Eibar, Azpeitia eta Hernaniko Jabetze Eskolak sarean ari gara lanean, nahiz eta udalerri bakoitzean ikastaro eskaintza propio bat izan.
Prestakuntza ikastaroak
Ikastaro eskaintza
Aurreko urtetako ikastaroak
Jabetze Eskola. 2011ko martxoa
Jabetze Eskola. 2010eko otsaila
Jabetze Eskola.2009ko urtarrila
Jabetze Eskola. 2008ko urtarrila
http://jabetzeskola-hernani.nireblog.com
Ikastaroen hasiera jaialdia. Leoka
Laugarren urtez, Leokako labaderoan, Jabetze Eskolaren ikasturte berriari eman zaio hasiera. Antzina emakumeen topaleku, lan leku eta kontu toki izan zenean, berriro emakumeei eman zaie protagonismoa, Leoka emakumeentzako berreskuratuz. Hernani eta inguruko emakume artisten lana ezagutu eta gozatzeko aukera izango dugu aurten ere.
Azken urtetako jaialdiak
