Zaindariaren jaiak ekainean ospatzen dira, 23tik 27ra bitarte, San Joan Bataiatzailearen omenez. Antolatutako ospakizunen artean azeri dantza nabarmendu behar da, tradizio handia izaki herrian oso harrera ona duena; 25ean, 26an eta 27an egiten da, eta Inauteri jaietan errepikatzen da. Honako hauek ere aipatzekoak dira: 23an, San Joan bezperan, akelarrea eta sua; 25ean koadrilen eguna izaten da, eta giro ederra izaten da herrian; eta, azken egunean, 27an alegia, San Joanen konpartsa.
Gainera, urtean zehar beste hainbat jai- eta kultura-jarduera ospatzen dira.
| Urtarrila | Erregeen kabalgata (urtarrilaren 5a). TXOTX denboraldiaren hasiera (sagardotegien denboraldia, apirilaren amaierara arte luzatzen dena). |
|
|
|
| Otsaila | Santa Ageda koruak (otsailaren 4a) Kaldereroen konpartsa (egun aldakorra). "Iñude eta artzainak" konpartsa (egun aldakorra). Inauteriko kontzertua (inauteri aurreko igandea). Inauteriko jaiak (egun aldakorra). |
|
|
|
| Martxoa | Tolarea Sagardo Naturalaren Kofradiaren kapitulua (martxoko hirugarren igandea). |
|
|
|
| Apirila | Extremadurako jardunaldiak. Dantzari festa. Txistulari Gazteen txapelketa (azken asteburua). Argazki rallya. |
|
|
|
| Maiatza | Txalaparta festa. |
|
|
|
| Ekaina | Osinagako jaiak. San Antonio jaiak Ereñotzun (ekainaren 13a). San Joan jaien aurreko kontzertua (San Joan egunaren aurreko larunbata). Azeri bila lasterketa (San Joan egunaren aurreko larunbata). San Joan zaindariaren jaiak. |
|
|
|
| Uztaila | San Fermin jaiak Martindegin (uztailaren 7a). Karmengo jaiak (herriko hirigune historikoa: Kale Nagusia eta Kardaberaz kalea). Erromeria eta herri-kirola San Inazio egunean (uztailaren 31), Santa Barbara mendian. |
|
|
|
| Abuztua | Portu auzoko jaiak (abuztuko azken asteburua). |
|
|
|
| Iraila | Artisten topaketa. Sagardoaren eta Sagarraren eguna (iraileko hirugarren igandea). Trikitilarien lehiaketa (iraileko hirugarren igandea). Mugarri bisita (iraileko azken larunbata). Herriko mugarriei bisita egiten zaie. Zikuñaga auzoko jaiak Latsunbeberri-Marielutsen auzo eguna Karabelen auzo eguna |
|
|
|
| Urria | Argazki rallya. Albokalarien topaketa. Mikologia-astea (URRETXA Urumeako Mikologi Elkartea). |
|
|
|
| Azaroa | Mendizaleen astea (MENDIRIZ MENDI Elkartea). |
|
|
|
| Abendua | Artisautza-azoka (GABILTZA, abenduko lehen igandea). Dantza askatuko txapelketa – Gazteen Dantza Txapelketa (abenduko lehen igandea). Santo Tomas eguna. Olentzero (abenduaren 24a). Urte Zahar Erronda (abenduaren 31). |
Subscribe to RSS Feed
Herritarra udaletxeko langile eta ordezkariekin harremanetan jartzeko bide erosoa. 